წინა სტატიის გამოქვეყნების შემდეგ, ზოგადად დავინტერესდი ამგვარი კვლევებით და ამჯერად გადავწყვიტე ერთ დოლარიანი გამეშიფრა, რადგან ადრეც მქონდა გაგონილი, რომ ამ კუპიურაში მართლაც არსებობდა რაღაც მასონური ნიშნები, რომლებსაც ყურადღებას არავინ აქცევდა და ეს სიმბოლოები მხოლოდ მასონებისთვის იყო ცნობილი. ამჯერად მე ვეცდები განგიმარტოთ თითოეული სიმბოლო რა რას ნიშნავს ერთ დოლარიანში.
პირველი საიდანაც დავიწყე სიმბოლოების მნიშვნელობების ძებნა ეს იყო, დოლარის უკანა მხარის მარცხენა გვერდზე განთავდებული პირამიდის მნიშვნელობა.
ძალაინ გთხოვთ, კარგად დააკვირდეთ! პირამიდის საძირკველზე წერია ასოები: "MDCCLXXVI", ეს კი იშიფრება როგორც: 600-60-6 მგონი ხვდებით რაშიც არის საქმე. ამასთან ერთად ეს მარცხენა მხარე შესრულებულია მასონ-სერგი მაკრონოვსკის მიერ, რომელიც აშშ-ს ვიცე პრეზიდენტმა, მასონ ჰენრი უოლესმა დაუკვეთა. თავწაკვეთილი პირამიდა-ეგიპტურ მოგვთა უძველესი სიმბოლო, რომელიც გამოხატავს ე.წ. "საზოგადოების ბრბო-ელიტურ მოდელს", რომელიც დაგვირგვინებულია მასონების ღვთაების-"სამყაროს დიადი არქიტექტორის" სიმბოლოთი. მისი ყოვლისმხედველი თვალი ამაღლებულია, როგორც მსოფლიოს უხილავი მმართველი, ხოლო ქვემოთ წარმოდგენილია საზოგადოება, პირამიდის აგურების წყობის სახით. თავწაკვეთილი პირამიდა, რომელიც შედგება ცამეტი აგურის წყობსგან, მიანიშნებს ცალკეულ ერზე და სახელმწიფოზე, ასევე წარმოადგენს კაცობრიობის ერთობლიობის არასრულყოფილებას ყოვლისშემძლე მწვერვალის გარეშე. ხოლო "დიდი არქიტექტორის" სამკუთხედში ჩახატული თვალი - გვირგვინმოსილია ლათინური წარწერით: "ANNUIT COEPTIS"-რომელიც ითარგმნება როგორც "უზენაესის მიერ კურთხეულნი". ვინ არის უზენაესი ვერ გავარკვიე და მხოლოდ ვარაუდით შემოვიფარგლები, რადგან "თვალის" სიმბოლოს სამი თვისება შეიძლება ამოვიკითხოთ: საიდუმლო, ძალაუფლება და სასწაული.
საიდუმლო - იმიტომ, რომ ჩვენ მხოლოდ თვალს ვხედავთ და არ ვიცით ვის ეკუთვნის ეს თვალი.
ძალაუფლება - იმიტომ, რომ "თვალი" არის ზემოთ და ყველაფერს აკონტროლებს.
სასწაული - კი იმიტომ, რომ "თვალი" გამოკიდულია ჰაერში, პირამიდის ზემოთ და საერთოდ არ ეკუთვნის მის ნაწილს.
გთხოვთ, ამასაც მიაქციოთ ყურადღება, 
თუ ასე შევაერთებთ ისრებს მივიღებთ სიტყვა "MASON"-ს. ასევე არ შეიძლება უყურადღებოდ დავტოვოთ პირამიდის ქვემოთ დაწერილ სიტყვებს: “Novus Ordo Seclorum”, ზუსტად სიტყვა სიტყვით ეს წინადადება ითარგმნება როგორც "ახალი მსოფლიო წესრიგი".
ასევე მინდა გაჩვენოთ რამდენიმე პატარა დეტალი, რომელსაც დარწმუნებული ვარ, უმეტესობა არც კი მიაქცევდით ყურადღებას:
ეს მფრინველი ძალიან წააგავს ბუს, შევეცადე გამეგო, თუ რას ნიშნავდა ძველ მითოლოგიებში, ან ზოგადად რა დატვირთვა უნდა ქონოდა ამ მფრინველს ერთ დოლარიანზე, მაგრამ სამწუხაროდ საინტერესო ვერაფერი აღმოვაჩინე. ბუ ბერძნულ მითოლოგიაში სიბრძნის ქალღმერთ, ათენას წარმოადგენს რაც ვერაფრით დავუკავშირე ერთ დოლარიანს. ესეც მორიგი საიდუმლო, რაც ამოიხსნელია ჩვენთვის, ერთი თხოვნა მაქვს, თუ ვინმემ იცით ამის შესახებ შემატყობინეთ, ძალიან მაინტერესებს.
ბოლოს მინდა გაჩვენოთ კიდევ ერთი საიდუმლო, რაც სრულიად შემთხვევით "Google saerch image"-ში, დოლარის სურათის გადმოწერისას შევამჩნიე. 
თუ დოლარის თავს და ბოლოს შევაერთებთ, მართლაც ასეთ გამოსახულებას მივიღებთ, მგონი კარგად არჩევთ სახის ნაკვთებს.
სხვათაშორის მიყვარს ეს ფილმი