50 წლის თამრიკო გვერდწითელმა ახალი სიყვარული იპოვა და უკვე მეოთხედ გათხოვდა.მას ბოლო ორი წელია ურთიერთობა აქვს ქართველ მამაკაცთან და ბევრი ალბათ ვერც წარმოიდგენს თუ რა პროფესიის ადამიანს დაუკავშირა მან ცხოვრება, მისი რჩეული პროფესიით მშენებლობის უფროსი ოსტატია, ე.წ "პრარაბი". როგორც "Экспресс газета" იუწყება თამარის გაყრა მესამე ქმართან სერგეისთან საკმაოდ მძიმე გამოდგა, მეუღლისგან მუდმივი ეჭვიანობის გამო მომღერალი დაიღალა და გადაწყვიტა მარტო ეცხოვრა.როგორც თვითონ თამარმა განაცხადა იგი არც ოცნებობდა იმაზე, რომ ახალი რომანი გაებმა. მაგრამ ბედი სიურპრიზს უმზადებდა, 2 წლის წინ გვერდწითელმა გადაწყვიტა სახლის გარემონტება, იგი ერთ-ერთ სამშენებლო ორგანიზაციას დაუკავშირდა, რომლის ხელმძღვანელი იყო ვინმე ნოდარი, ბინის რემონტის დროს თამრიკოს ძლიერ მოეწონა ნოდარი ლაღი იუმორის და გულწრფელობის გამო. რემონტის დამთავრების შემდეგ მათ ერთად დაიწყეს ცხოვრება და სიამოვნებით იხსენებენ გაცნობის მომენტებს.