საზოგადოება ვაშლის სიდრი - მითი და რეალობა? 2023, 27 ნოემბერი, 16:28
ვინ დაამზადა პირველად სიდრი, არავინ იცის. როგორც ამბობენ, საფრანგეთში ეს სასმელი VI საუკუნეში შეიტანეს ესპანელმა მეზღვაურებმა. საერთოდ კი, სიდრი ჯერ კიდევ ძველი ებრაელებისთვის იყო ცნობილი. მას მიირთმევდნენ ძველი ბერძნებიც და რომაელებიც . ასე რომ, ის არანაკლებ ასაკოვანია, ვიდრე ღვინო. სიდრი არის დაბალალკოჰოლიანი სასმელი, მისი სიძლიერე დაახლოებით 5-7 გრადუსია. სიდრისთვის მოჰყავთ ვაშლის სპეციალური ჯიშები - ტკბილი და მჟავე, რომელიც შეიცავს მცირე რაოდენობით შაქარს. განსაკუთრებით გემრიელი ორგანული სიდრი ქართული ვაშლის ჯიშებისგან მზადდება. სასმელს აქვს ოქროსფერი, ან მომწვანო ფერი. აქვს ვაშლის სურნელი და უნიკალური ბუკეტი.
ხალხს სჯეროდა სიდრის სამკურნალო თვისებების. ისინი არა მხოლოდ სვამდნენ არამედ სხეულსაც იბანდნენ სიდრით. მე-14 საუკუნიდან ახალშობილებს ეკლესიებში სიდრში ნათლავდნენ, რადგან მიაჩნდათ, რომ ის გაცილებით ჯანმრთელი და სუფთა იყო ვიდრე წყალი. მე-14 საუკუნეში სიდრის პოპულარობაზე ისიეც მეტყველებს, რომ ჯონ უიკლიფმა - თეოლოგმა და რომის კათოლიკური ეკლესიის ადრეულმა რეფორმატორმა, სიდრის ბიბლიაც კი დაწერა. 1855 წელს ჩარლზ IX-ის პირადმა ექიმმა გამოსცა ტრაქტატი, რომელშიც აღწერილი იყო სიდრის სამკურნალო თვისებები. ამ სასმელს აქვს დახვეწილი ფილოსოფია. სხვა ალკოჰოლური სასმელებისგან განსხვავებით ძალიან მსუბუქი და სასიამოვნო დასალევია, ასევე დაბალკალორიულიც. ეს გემრიელი სასმელი ძალიან სასარგებლოა ადამიანისთვის. ეხმარება კუჭის დაავადებებთან გამკლავებაში, თირკმელებიდან კენჭებს აცილებს, წონაში კლებას უწყობს ხელს, შესამჩნევად ანელებს დაბერების პროცესს, გამოაქვს ორგანიზმიდან ტოქსიკური ნივთიერებები, რაც ძალზე სასარგებლოა საჭმლის მონელების, მეტაბოლიზმისა და წნევის ნორმალიზებისთვის. დღეს სიდრი სპა პროცედურებშიც გამოიყენება. შედეგს მაშინვე ხედავთ: კანი ხდება ბევრად უფრო რბილი, ხავერდოვანი, უფრო ნაზი, ნაოჭები მთლიანად გლუვდება. ეს არის ნამდვილი ბედნიერება ქალებისთვის!
Cider Club• სიდრის კლუბიR 260 1-ს მოსწონს
|