აჭარა "სხვისი ჭირი ღობეს ჩხირიო არა ქართველებო? იმ დედის განწირული ყვირილის მერე აუზში ვინც ჩაწექით, ყველა მეზიზღებით, ყველა" - რას წერს ჩაქვში ტრაგედიის თვითმხილველი? 2023, 19 ივლისი, 11:27  "სხვისი ჭირი ღობეს ჩხირიო არა ქართველებო? იმ დედის განწირული ყვირილის მერე აუზში ვინც ჩაწექით, ყველა მეზიზღებით, ყველა"-ასე ეხმაურება პოლიციის მაიიორი ხათუნა ნოზაძე ჩაქვში დატრიალებულ ტრაგედიას, რა დროსაც 5 წლის ბიჭუნა აუზში დაიხრჩო.
"სხვისი ჭირი ღობეს ჩხირიო არა ქართველებო? იმ დედის განწირული ყვირილის მერე აუზში ვინც ჩაწექით ყველა მეზიზღებით, ყველა!1 საერთოდ როგორ არ დატოვეთ ეგ ადგილი და გააგრძელეთ დასვენება, მე მარტო ეგ მიკვირს!!დღეს ეს ინფორმაცია რომ გავიგე მთელი დღე ცუდად ვიყავი და იმ უბედურ დედაზე ვდარდობდიიი. არა რა, გაგვიცივდა ქართველებს ჯიგარი, ერთმანეთი გვეზიზღება და მერე რამე რომ მოხდება საშინელება, გვიკვირს რატომო"-წერს ხათუნა ნოზაძე სოციალურ ქსელში.
შეგახსენებთ, ჩაქვში, სასტუმრო „ოაზისის" აუზში 5 წლამდე ბავშვი დაიხრჩო, დედის თვალწინ.
"დახრჩობის მომენტი არავის დაუნახავს. როგორც ყვებიან, აზრად არ მოსვლიათ, თუ ბავშვი იხრჩობოდა. დედა-შვილი ქუთაისიდან იყო ჩამოსული“
მომხდარ ტრაგედიას გამოეხმაურა თვითმხილველი მარიამ სურგულაძე.
“დღეს ჩემი ფანჯრების წინ 5 წლის ბიჭი დაიხრჩო აუზში, ჩაქვში – სასტუმრო დრიმლენდ ოაზისში…. – სასტუმროს, რომ თითოეულ აუზზე გამოყოფილი მაშველები ჰყოლოდა, რომლებიც გააკონტროლებდნენ აუზის ტერიტორიას – სასტუმროს, რომ კვალიფიციური მედ პუნქტი ჰყოლოდა, რომელსაც ეცოდინებოდა ხელოვნური სუნთქვის სწორად გაკეთება – სასწრაფო, რომ 30 წუთის დაგვიანებით არ მოსულიყო – სასწრაფოს, რომ თან ჰქონოდა ინტუბაციის აპარატი და მხოლოდ ადრენალინი არ გაეკეთებინათ ბავშვისთვის პატარა ბიჭი დღეს შეიძლება ისევ თავის დედასთან ერთად ყოფილიყო, რომლის განწირული კივილი მთელს ტერიტორიაზე ისმოდა.. ამ ყველაფრის პარალელურად აუზი, სადაც 5 წლის ბავშვი დაიხრჩო ერთი წამითაც არ დახურულა და დამსვენებლები არხეინად განაგრძნობენ ბანაობას… რა გვჭირს?? ეს ყველაფერიც მთავრობას ხომ არ უნდა დავაბრალოთ?” 636 4-ს მოსწონს 1-ს არა |
  |
Intermedia.ge © 2011-2024 წელი
საავტორო უფლებები დაცულია
 |
რატომ არ უნდა გაეგრძლებინათ ბიზნესის კეთება ადამიანებს,ვინმე ნორმალურს გაქვთ პასუხი? ან ადამიანს ერთი კვირა რო აქვს შვებულება,რატომ უნდა შეწყვიტოს დასვენება? რო დაკეტოს სივრცე,დამსვენებელს ფული უნდა დაუბრუნოს,თანამშრომლებს ხელფასებს ვერ მისცემს და ვერ დააფინანსებს საოპერაციო ხარჯებს,მერე მორალს ადამიანის უხელფასოდ დატოვებაზე წაიკითხავენ. ადრე ქართველებს ქონდათ(ზოგი ახლაც აკეთებს) ტრადიცია,ახლობლის გარდაცვალების მერე 40 დღე და მეტიც გლოვობდნენ,თმას და წვერს არ იკრეჭდნენ,ხოდა როდისმე გაცოცხლებული გინახიათ მიცვალებული ამით? ხოდა იმ ბავშვის ტირილით,ბავშვი დაბრუნდება თუ მშობლები გადაიტანენ უფრო ადვილად. როცა მივიდნენ და არ იყო უსაფრთხოების ზომები დაცული(არ იყო მაშველი),რატომ არ მოითხოვეს? მე გეტყვით რატომაც,მაგდენი გაქანება და ტვინი რო ქონდეს კაცობრიობას,მით უფრო ქართველს,უამრავი ტრაგედია იქნებოდა აცილებული,თუმცა არ აქვთ. ივნისის ტრაგედიის დროს,რა იყო პრობლემა და რატომ არ შეიძლებოდა მისი მოგვარება ადრე? თუ ის მილი სტიქიამ ამოავსო და სტიქიამდე გამტარი იყო. გლოვა,ტირილი და ვაის ძახილი არ შველის საქმეს,მოქმდება სჭირდება ყველაფერს. რამდენი დაინტერესდით,იმ სტიქიის მერე სამუშაოები შეგემოწმებინათ და გენახათ,რა გაკეთდა და რა არა. თუმცა მორალის წაკითხვა პოსტფაქტუმ ადვილია,ვიდრე მანამდე.