კინო "კალთაში ჩამიჯდა, კი დავიბენი, მაგრამ შემდეგ ცოტა ჭკუაზე მოვედი და მოვეფერე.."-სოფი ლორენი და სერგო ზაქარიაძე 2023, 1 ივლისი, 12:09 1909 წლის 1 ივლისს ბაქოში დაიბადა ქართული თეატრის და კინოს ერთ-ერთი უდიდესი მსახიობი სერგო ზაქარიაძე. იგი იყო ერთ-ერთი უიშვიათესი მსახიობი, რომელიც ერთნაირი წარმატებით ასახიერებდა სრულიად განსხვავებულ სახასიათო როლებს, დღეს მოგითხრობთ სერგო ზაქარიაძის და იტალიის და მსოფლიო კინომატოგრაფიის სექს-სიმბოლოს, სოფი ლორენის შეხვედრის დეტალებს: იტალიელი მსახიობი მოსკოვის რიგით IV საერთაშორისო ფესტივალს სტუმრობდა(1965) წელი, სადაც ფესტივალის საუკეთესო ქალ მსახიობად დასახელდა სოფი ლორენი ფილმისთვის "ქორწინება იტალიურად"(1964), ხოლო მამაკაცის საუკეთესო როლი ერგო სერგო ზაქარიაძეს ფილმისთვის "ჯარისკაცის მამა"(1964). მაშინ წითელი ხალიჩები არ არსებობდა და ფესტივალის ორი საუკეთესო მსახიობის "ფოტოსესია" ძირითად წითელ მოედანზე განხორციელდა. სწორედ ამ კინოფესტივალზე გაიცნეს სერგო ზაქარიაძემ და სოფი ლორენმა ერთმანეთი. შემდეგ კი ერთად ივაშხმეს კიდეც. ფოტოსესისას თუ დავათვალიერებთ, ადვილი მისახვედრია, რომ სოფი აშკარად მოხიბლული იყო ქართველი მსახიობით. თავად სერგო ზაქარიაძე კი ამ შეხვედრის შესახებ ბევრს არაფერს ამბობდა, მხოლოდ იმას აღნიშნავდა, სოფი მართლაც ულამაზესი და უშუალო ქალია, მაგრამ ამასთანავე აღნიშნავდა, სილამაზე არც ქართველ ქალებს აკლიათო. თავად სერგოს ინტერვიუები სასტიკად არ უყვარდა და საკმაოდ სიტყვაძუნწი იყო, სამაგიეროდ ამ შეხვედრის დეტალებს დაწვრილებით გაიხსენა რეჟისორმა გიზო ჟორდანიამ: " მოსკოვში დაჯილდოების ცერემონიალის შემდეგ მიღება უზარმაზარ რესტორანში გაიმართა. სოფი ცოტა მოშორებით იყო სერგოსგან, შემდეგ უცებ მივიდა მასთან და კალთაში ჩაუჯდა. სერგო ზაქარიაძე იხსენებდა, ამხელა ქალი რომ კალთაში ჩამიჯდა, კი დავიბენი, მაგრამ შემდეგ ცოტა ჭკუაზე მოვედი და მოვეფერეო... ეს მოფერება არ იყო ისეთი, თქვენ რომ წარმოგიდგენიათ, რესტორანში ახლა რა უნდა მექნაო, ხუმრობით ამბობდა... სოფი ლორენი რომ კალთაში ჩაუჯდა, იმ დროს რა ემოციებმა იფეთქა სერგო ზაქარიაძის გულში, ეს არ ვიცით, მისი საიდუმლოება იყო!....როცა კი ჰკითხავდნენ, სოფი ლორენთან შეხვედრაზე, თავიდან ცოტა თავპატიჟს დაიდებდა, მაგრამ შემდეგ გვიამბობდა. ერთხელ ორი ცნობილი პიროვნება დაასახელა, მათ კი არ ვგავარ, დავდგე და ქალებზე გელაპარაკოთო..." ასევე დაგაინტერესებთ: 1909 წლის 1 ივლისს ბაქოში დაიბადა ქართული თეატრის და კინოს ერთ-ერთი უდიდესი მსახიობი სერგო ზაქარიაძე. იგი იყო ერთ-ერთი უიშვიათესი მსახიობი, რომელიც ერთნაირი წარმატებით ასახიერებდა სრულიად განსხვავებულ სახასიათო როლებს. გთავაზობთ საინტერესო ფაქტებს "ქართული სცენის ქურუმის" ცხოვრებიდან. ზაქარიაძე და ფეხბურთი - ზესტაფონის გი... 420 3-ს მოსწონს
|