„პაშა ბანკის“ კაპიტალი, „პაშა“ ჰოლდინგის გადაწყვეტილებით, 26 მილიონი ლარით გაიზარდა.

ბანკის ინფორმაციით, გაზრდილი კაპიტალი დაეხმარება „პაშა ბანკს“ პოზიტიური წვლილი შეიტანოს საქართველოს ეკონომიკაში, რათა განავითაროს თავის ხედვა და გახდეს ინოვაციური, ყველა მხარისთვის მომგებიანი ფინანსური გადაწყვეტილებების სანდო მიმწოდებელი საქართველოში.

მათივე ცნობით, აღნიშნული ასევე ბანკს დაეხმარება გახდეს რეგიონში გამორჩეული სტრატეგიული ინვესტორის განუყოფელი ნაწილი, რომელიც ხელმძღვანელობს კეთილსინდისიერების, გონივრული სამუშაო პრაქტიკის, თანამედროვე ტექნოლოგიების გამოყენების და კომპეტენტური გუნდის მიერ მართვის პრინციპებით.

„პაშა ბანკი“ ბაქოში სათავო ოფისის მქონე ფინანსური ინსტიტუტია, რომელიც ოპერირებს აზერბაიჯანში, საქართველოსა და თურქეთში. „პაშა ბანკი“ მსხვილ, საშუალო და მცირე ზომის საწარმოებს სთავაზობს კორპორაციულ და საინვესტიციო საბანკო მომსახურებას. „პაშა“ ჰოლდინგი არის გამორჩეული რეგიონული სტრატეგიული ინვესტორი, რომელიც ხელს უწყობს მდგრად ეკონომიკურ ზრდას, პროფესიული მეწარმეობის სტიმულირებას და რეგიონული ბიზნეს პარტნიორობის ხელშეწყობას“, - აღნიშნულია გავრცელებულ ინფორმაციაში.

როგორც „პაშა ბანკის“ დირექტორთა საბჭოს თავმჯდომარემ და გენერალურმა დირექტორმა ნიკოლოზ შურღაიამ აღნიშნა, აქციონერების გადაწყვეტილება ბანკის კაპიტალის გაზრდის შესახებ, ბანკის სტრატეგიის ლოგიკური გაგრძელებაა.

„მოხარული ვართ ბანკის გაზრდილი ფინანსური შესაძლებლობებით ამ განსაკუთრებულად რთულ პერიოდში. გაზრდილი კაპიტალით უკეთ გავაგრძელებთ ინოვაციური ფინანსური გადაწყვეტილებების შემუშავებას, როგორც პაშა ბანკის, ისე "რე|ბანკის" მომხმარებლებისთვის. ეს არის ბანკის გუნდის ძლიერი მხარდაჭერა საქართველოს ეკონომიკაში პოზიტიური წვლილის შესატანად“, -განაცხადა ნიკოლოზ შურღაიამ.

ამასთან, აღნიშნავენ, რომ "რე|ბანკი" "პაშა ბანკის" ქვებრენდია, რომელიც 2019 წლიდან ფიზიკურ პირებს უწევს საბანკო მომსახურებას. მისი უნიკალური პროდუქტია ტოპ|ქარდი - ბარათი, რომელიც საშუალებას აძლევს მომხმარებლებს, გააკეთონ სასურველი შენაძენი, ღირებულება კი შემდგომ თვეებზე გადაანაწილონ პროცენტის გადახდის გარეშე.

ტოპ|ქარდის აღება მოსახერხებელია და სრულიად უფასოდაა შესაძლებელი დისტანციურად https://rbnk.ge/3JUZs9k, "რე|ბანკის" ფილიალებში და გაყიდვების წერტილებში.

R