ბეილი ასევე ურჩევს 40 წელზე უფროსი ასაკის ადამიანებს რეგულარულად შეასრულონ დაჭიმვითი ვარჯიშები. ეს თავიდან გვაცილებს ზურგისა და სახსრების ტკივილს და ზოგადად შებოჭილობას.
ბეილის თქმით, ასევე თავი უნდა შევიკავოთ ნახევარფაბრიკატებისა და ნებისმიერი ქარხნული პროდუქტისაგან. მათში შემავალი შაქარი, ხელოვნური დამატკბობლები და კონსერვანტები ტვირთად აწვება საჭმლის მომნელებელ ტრაქტს და განსაკუთრებით პანკრეასს, რამაც შეიძლება გამოიწვიოს მრავალი ქრზონიკული დაავადების განვითარება. გარდა ამისა, ასეთ პროდუქტებს შეუძლიათ დიაბეტის განვითარების პროვოცირება.
ბეილი ასევე გვირჩევს ალკოჰოლზე უარის თქმას. „ზოგიერთი კვლევა ამბობს, რომ ალკოჰოლის ხანდახან დალევა შეიძლება სასარგებლო იყოს, მაგრამ მისი სისტემატური გამოყენება ჯანმრთელობის პრობლემების გარდა არაფერს მოიტანს“, - დარწმუნებულია ექიმი. ალკოჰოლისაგან თავის შეკავება ხელს შეუწყობს ღვიძლის ფუნქციის გაუმჯობესებას, ორგანიზმში ანთებითი პროცესების ინტენსივობის შემცირებას და დადებითად იმოქმედებს ტვინის კოგნიტურ ფუნქციებზე.
