მკვლევარებმა გააანალიზეს 11 წლის განმავლობაში შეგროვებული მონაცემები დაახლოებით 312, 500 ადამიანის შესახებ, რომლებიც, მათი თქმით, რეგულარულად სვამდნენ ალკოჰოლს. კვლევის დასაწყისში მონაწილეთა საშუალო ასაკი 56 წელი იყო და იმ დროს არცერთ მათგანს არ ჰქონდა მეორე ტიპის დიაბეტი, კიბო ან გულ-სისხლძარღვთა დაავადება. მონაცემების შეგროვების პერიოდში დაახლოებით 8600 მონაწილეს დაუსვეს მეორე ტიპის დიაბეტის დიაგნოზი.
მონაცემების ანალიზმა აჩვენა, რომ ჭამის დროს ზომიერი დალევა ამცირებს დიაბეტის რისკს 14%-ით. ასეთი სასარგებლო ეფექტი შეინიშნება ძირითადად მათ შორის, ვინც საკვებთან ერთად სვამს ღვინოს და არა სხვა ალკოჰოლურ სასმელებს. ლუდი ან მძიმე ალკოჰოლი, პირიქით, ზრდის დიაბეტის განვითარების რისკს. ზომიერი სასმელის ქვეშ, კვლევის ავტორებმა იგულისხმეს დღეში ერთი ჭიქა ღვინო ქალებისათვის და ორი ჭიქა მამაკაცებისათვის.
