"პარლამენტის შენობა დღეს ისე არის დაცული, ჭიშკარი, გამორიცხულია, ის შეანგრიო და შეხვიდე, ადამიანებს ვგულისხმობ", — განაცხადა ღარიბაშვილმა გავრილოვის ღამესთან დაკავშირებით, შემდეგ კი კვლავ გაიმეორა ქართული ოცნების მესიჯბოქსი, რომ "საფრთხე იყო, შეჭრილიყვნენ პარლამენტში და რაღაც უბედურება მოხდებოდა".ადამიანების დათხრილი თვალებით, ნაწამები და დახოცილი სხეულებით პოლიტიკური თამაშობები ჩვენში უკვე ისეთ მასშტაბებზეა, ახალი სიტყვაა მოსაფიქრებელი ამის აღსაწერად, არანაირი "ცინიზმი", "სისასტიკე" ან "უმსგავსობა" არ ყოფნის. გახარიას გაშავება დაჭირდათ და თურმე მას პერსონალურად დაუთხრია თვალები უდანაშაულო ადამიანებისთვის, დანარჩენები კი "გაოგნებულები" უყურებდნენ ამ საშინელებას. მერე კი გაოგნებულებივე გამოლაგდნენ და ეს დათხრილი თვალები ამდენი წელი რიხით აპრავეს, რომ ამით "გადატრიალება" აღკვეთეს.