"ორიოდე დღის წინ, ერთ-ერთ აფთიაქში, ექიმისგან დანიშნული მალამოს საყიდლად შევედი. კონსულტანტს ვთხოვე ფასი გადაემოწმებინა. 57 ლარი ღირდა. შევიშმუშნე და გასვლას ვაპირებდი. ამ ქალმა შემაყოვნა და ხმადაბლა მითხრა, რომ თუკი ნებისმიერ მეორე მედიკამენტს შევიძენდი, ამოქმედდებოდა აქცია და მალამოს ფასი 39 ლარი გახდებოდა. მირჩია ამეღო თუნდაც ერთი აბი ტკივილგამაყუჩებელი. ბუნებრივია ასეც მოვიქეცი.

გამოსვლისას მადლობა გადავუხადე და ორივემ უხერხულად გავუღიმეთ ერთმანეთს.

ვაკრიტიკებთ და ვებრძვით სისტემას, რომელიც ყველას გვამახინჯებს."- წერს ბექა წიქარიშვილი სოციალურ ქსელში