13 ივნისი თბილისისთვის, უდიდესი ტრაგედია აღმოჩნდა, ადიდებულმა ვერეს ხეობამ, გაანგრია ყველანაირი ჯებირი და პირდაპირ ქალაქს შეუტია, დატბორა ზოოპარკი, ირგვლივ მდებარე საცხოვრებელი სახლები წაიღო და რაც მთავარია აღარაფერი დატოვა სვანეთის ქუჩიდან, დაიღუპა 3 ადამიანი და დაზარალდა ათასამდე. არაფერს ვამბობთ მორალურ და მატერიალურ ზარალზე, რომელიც მიადგა იმ დღეს თბილისის მოსახლეობას.

გარემოს ეროვნულმა სააგენტომ ასე შეაფასა მაშინდელი სტიქია:

„13-14 ივნისს ღამის საათებში უხვი ატმოსფერული ნალექი მოვიდა, რამაც დინამიკაში მოიყვანა მეწყრული პროცესები. ბოლო ორი-სამი თვის განმავლობაში თბილისსა და მის შემოგარენში ხშირად წვიმდა. ამ წყლის დიდი ნაწილი მდინარეებს შეუერთდა, ხოლო მნიშვნელოვანი ნაწილი გრუნტში ჩაიჟონა, რამაც ამ გრუნტის გაჯირჯვება, გაწყლოვანება გამოიწვია. გაწყლოვანებული გრუნტი კი, მეწყრისა და ღვარცოფის წარმოქმნას უწყობს ხელს“.

პ.ს ასეთი ტიპის საშიშროებაა ვაშლიჯვარში, სადაც მეწყრული ნაპრალი გაჩნდა ცოტა ხნის უკან, თუმცა მერიამ იმის მაგივრად რომ პრობლემა მოეგვარებინა, პირიქით გააღრმავა და შიგ ნაპრალში ქვიშა-ღორღი ჩაყარა.