დღესდღეობით უკვე ყველამ კარგად ვიცით სერიალი ლუციფერი, მაგრამ ცოტამ თუ იცის ალბათ იმ ფაქტების შესახებ რაც ამ სერიალს უკავშირდება. სერიალის ამერიკაში გამოსვლამდე დიდი ხნით ადრე, მრავალი საზოგადოებრივი და რელიგიური ორგანიზაცია ეწინააღმდეგებოდა ლუციფერის გადაღებების დაწყებას და ცდილობდა მის აკრძალვას წარმოების ეტაპზე. ისინი ითხოვდნენ, რომ FOX-ს უარი ეთქვა პროექტზე, რომელიც მათ რელიგიურ გრძნობებს შეურაცხყოფდა, სატანას პოზიტიურად წარმოაჩენდა და, ზოგადად, მას კარგ ტიპად აქცევდა.
უნდა აღინიშნოს ის, რომ სერიალი არ ეფუძნება ბიბლიურ სატანას, არამედ DC კომიქსების პერსონაჟს, და საერთოდაც არ მიჰყვება ბიბლიურ კანონებს. მხოლოდ და მხოლოდ კომიქსების სიუჟეტს და ისიც ნაწილობრივ. აქედან გამომდინარე იმიტომაც არის, რომ სერიალში არცერთხელ არაა ნახსენები უფალი იესო ქრისტე, რადგან სერიალის ლუციფერი ცოტა განსხვავებული წარსულით ფიგურირებს.
ცნობისთვის, ლუციფერის მე-5 სეზონის მეორე ნაწილი (8 სერია) გამოდის ამ წლის 28 მაისს.
ავტორი: ბესო ჭიკაიძე
