ელ სალვადორში გასულ კვირას დააკავეს ორი ქალის მკვლელობაში ბრალდებული ყოფილი პოლიციელი, ხოლო მის სახლში ჩხრეკის შემდეგ აღმოჩინეს კიდევ 10 ცხედარი.

ყოფილი პოლიციელის სახლში, რომელიც გასულ კვირას ორი ქალის მკვლელობის გამო დააპატიმრეს, ჩხრეკის შედეგად კიდევ 10 სხვა გვამი აღმოაჩინეს, განაცხადა სან-სალვადორის პროკურორმა. შედეგად იკვეთება მთლიანობაში 13 ადამიანის მკვლელობაამ .

51 წლის ყოფილი პოლიციელი გასულ კვირას დააკავეს ქალისა და მისი ქალიშვილის მკვლელობის გამო. ამის შემდეგ გაჩხრიკეს მისი სახლი, აღმოსავლეთით ქალაქ ჩალჩუაპაში.

ჩხრეკის დროს სამართალდამცვებმა აღმოაჩინეს შვიდი ორმო, სადაც 10 ცხედარი იყო დამარხული, რომელთაგან ზოგი შესაძლოა ორი წლის წინ დაკრძალული. ყოფილი პოლიციელ უგო ოსორიო ჩავეზ ოსორიოს (Hugo Osorio Chávez Osorio)უკვე წარუდგინეს ბრალდება 57 წლის ქალისა და მისი 26 წლის ქალიშვილის მკვლელობაში.

ჩავეზ ოსორიო, რომელიც ადრე სექსუალური ხასიათის დანაშაულისთვის იყო ბრალდებული, აღიარა ორივეს მკვლელობა.

საქმეზე მოცემული ინფორმაციის საფუძველზე, პროკურორებმა გასცეს კიდევ დაპატიმრების ორდერი ცხრა სხვა ეჭვმიტანილზე, რომლებიც შესაძლოა 13 ადამიანის მკვლელობაში იყვნენ თანამონაწილეები, მათ შორის რვა ქალის მკვლელობაში.

პროკურატურის განცხადებით, მოკლულთა შორის სავარაუდოდ არიან 9, 7 და 2 წლის გოგონები.