დღეს, სალომე ზურაბიშვილმა ბრიფინგზე, ადმინისტრაციულ სამართალდარღვევათა კანონზე, ვეტოს დადების შესაძლებლობაზე ისაუბრა, მან აღნიშნა რომ ეთანხმება ოპოზიციას იმაში, რომ ეს კანონი არ მოდის თავსებადობაში შარლ მიშელის ხელშეკრულების შენაარსთან, თუმცა ვეტოს დადებას მაინც გამორიცხავს.

კანონი ადმინისტრაციულ სამართალდარღვევათა შესახებ, ითვალისწინებს სამოქალაქო აქტივისტების უფრო სწრაფი რეაგირებით დაკავების და გასამართლების მექანიზმის შესაძლებლობას ძალოვანი უწყებებისთვის, ასე რომ პრეზიდენტის დღევანდელი ბრიფინგი მხოლოდ იაგო ხვიჩიასთვის არ იყო გაუგებარი, არამედ ჩვეულებრივი მოკვდავისთვისაც.

პ.ს იქნებ უფრო გასაგებად გამოხატოს პოზიცია საქართველოს პრეზიდენტმა მომავალში, ასეთ ქვეყნისთვის საპასუხისმგებლო თემებზე, თორემ გარეჯის ამბავი კარგად გვახსოვს ყველას და იქნებ ცოტა მეტი ყურადღება გამოვიჩინოთ ასეთ საკითხებში.