რუსეთში მოღვაწე ბიზნესმენი ილია ძოწენიძე და ნამახვანჰესის მშენებლობის საწინააღმდეგო აქციაზე დააფიქსირეს, რუსთავი-2-ის ინფორმაციით, ის ამ საპროტესტო მოძრაობის დაფინანსებას გეგმავს.

ილია ძოწენიძე 90-იანი წლებიდან რუსეთში ცხოვრობს, მრავალმილიონიან ბიზნესებს მართავს და რამდენიმე ჯილდო თავად პუტინისა და მედვედევისგან აქვს მიღებული.

რამდენიმე წლის წინ მასზე ქართული პრესა აქტიურად წერდა .მან რადიკალურად შეცვალა ხელვაჩაურის რაიონში მცოხვრები ფუტკარაძეების მრავალშვილიან ოჯახის ცხოვრება.ბიზნესმენმა ილია ძოწენიძემ ოჯახს შუა გზაში მიტოვებული სახლის რემონტი დაასრულებინა, საოჯახო ნივთები და ტექნიკა, 7 სული საქონელი, ასევე სასოფლო ინვენტარი, ტრაქტორი და ოჯახისთვის საჭირო სხვა ნივთი შეუძინა.

- იმდენი ადამიანი მირეკავს, იმდენი მთხოვს დახმარებას, ლამის გული ცუდად გამიხდეს. ნერვიულობით დიაბეტიც კი დამემართა. როცა საქმე ბავშვს ეხება, განზე გადგომა არ შემიძლია... 30-მდე გულის ოპერაცია მაქვს დაფინანსებული. ზოგს მანქანა ვუყიდე, გარეთ რომ გავიდნენ, იმუშაონ და ლუკმაპური შეიტანონ ოჯახში... 15 წელია ამ რეჟიმით ვცხოვრობ. პოლიტიკაში მოსვლაც კი შემომთავაზეს, კენჭი იყარე და ხმას მოგცემთო, მაგრამ რა მინდა პოლიტიკაში? სიკეთეს იმისთვის არ ვაკეთებ, რომ სამაგიეროდ თანამდებობა მივიღო.-აღნიშნა მაშინ ილია ძოწენიძემ.