აღსანიშნავია, რომ ორივე მუმია ბუნებრივი მუმიფიცირების შედეგია. ქალიც და მამაკაციც ჩვეულებრივ დაკრძალეს, ხოლო სიცხემ, მარილიანობამ და ეგვიპტური უდაბნოს სიმშრალემ ორივე სხეული თანდათანობით მუმიებად თავისთავად გადააქცია.

მუმიები დიდ ბრიტანეთში, ერთ-ერთ მუზეუმში დიდი ხნის მანძილზე ინახებოდა, თუმცა უკანასკნელ პერიოდამდე ტატუების აღმოჩენა ვერ ხერხდებოდა, რადგან ინფრაწითელი დათვალიერების გარეშე ორივე გარდაცვლილის მოხატულობა გვამურ ლაქებს ჰგავს. მხოლოდ უკანასკნელ პერიოდში ხელმისაწვდომი ტექნიკით გახდა შესაძლებელი იმის დადგენა, რომ ეს ნამდვილად ტატუებია.

აქამდე ძველი ეგვიპტელი მამაკაცი ტატუირებული სხეულით ნაპოვნი არ იყო და მეცნიერები ფიქრობდნენ, რომ სხეულის მოხატვის ხელოვნებას ნილოსის ნაპირებთან აღმოცენებული ცივილიზაციის წიაღში მხოლოდ ქალები მისდევდნენ. ახალი აღმოჩენა კი აბათილებს ამ მოსაზრებას.