x
მეტი
  • 19.03.2024
  • სტატია:133842
  • ვიდეო:353916
  • სურათი:508141
„მაოხრებელი გზირი“
დიდი ხნის წინათ, ახლანდელი თურქეთის მიწა-წყალზე, კლარჯეთის მხარეში, ქართველები ცხოვრობდნენ. აქ ერთ ქართულ სოფელში იყო ერთი გოთვერანი გზირი, ანუ სახელმწიფო მოხელე. ეს კაცი იმისთანა ანჩხლი და უბედურის ერთი იყო, რომ მთელი სოფელი აკლებული და გამწარებული ჰყავდა. გზირს სული იმაში ამოსდიოდა, თუ როგორ დაებიზღებინა თავისიანები თურქ ხელისუფლებთან და როგორ გაეღელიტვინებინა ისინი. ამის გამო თურქები თავიანთ კაცად თვლიდენ და უპირობოდ ენდობოდნენ.

სიკვდილი ვის უყვარს, მაგრამ ვიდრე სიკვდილი არსებობს, მანამდე იმისი იმედიც არსებობს, რომ უხეირო ადამიანი ადრე თუ გვიან მოშორდება “ტურფასა საბაღნაროსა”. ჰოდა ამ ჩვენს გზირსაც მოუვიდა სიკვდილის ჟამი. ვიდრე მიქელა წამოადგებოდა თავზე, დაიბარა მან თავისი თანასოფლელები და თავმოკატუნებულმა უთხრა:

მაპატიეთ, რომ მე მთელი ცხოვრება გამწარებდით, თქვენ კიდევ არასდროს გქონიათ შანსი, რომ ჩემთვის სამაგიერო გადაგეხდათ. ამიტომ, ღმერთს გაფიცებთ, როგორც კი მოვკვდები, ყელზე თოკი მომაბით და ქუჩა-ქუჩა მათრიეთ, მერე მომკიდეთ ხელი და ხეზე ჩამომკიდეთ!

ხალხიც გაბრიყვდა. როგორც კი მოკვდა გზირი, მოკიდეს ხელი მის გვამს და სიტყვა-სიტყვით შეუსრულეს სურვლი: ქუჩა-ქუჩა ათრიეს მისი გვამი და მერე, თრევით რომ გული იჯერეს, ხეზე ჩამოკიდეს.


შემთხვევით იმ სოფელში გამოიარა ვიღაცა თურქმა მოხელემ და ნახა ხეზე ჩამოკიდებული გზირის გვამი. მაშინვე მთავრობას აცნობა: ამა და ამ სოფელში ჩვენი ერთგული გზირი ჩამოუხრჩვიათო ხეზე. ხელისუფლებამ მაშინვე მიუსია მოხელეები სოფელს და იმისთანა ჯარიმა აჰკიდა, რომ ლამის მთელ სოფელს ლუკმა-პური გაუხდა სანატრელი.

იმ სოფლის ხალხი მოდგნენ ამ სულძაღლ გზირსა და გულიანად აგინეს, თან ამბობდენ: “ამ ოხერმა, ცოცხალმა ხომ გაგვაუბედურა და მკვდარმა კიდევ სულ დედა გვიტირაო".სონ

6
763
შეფასება არ არის
ავტორი:თორნიკე55
თორნიკე55
763
  
2020, 27 მაისი, 15:44
კომენტარი ცარიელია ან წაშლილია

2020, 27 მაისი, 13:03
უკაცრავად? ვერ გავიგე
2020, 27 მაისი, 10:25
თქვენი ,,უკიდეგანო" ფანტაზია რუსთაველსაც გადაწვდა?
2020, 25 მაისი, 22:48
ასევე, თამარ მეფესთან დაკავშირებული პრობლემა, რომელმაც გადაწყვიტა, რომ მისი საფლავი არავის სცოდნოდა სადააა. "მაოხრებელი მკვდარია" აბა რა არის...
2020, 25 მაისი, 22:46
უფრო შოთა რუსთაველის "ვეფხისტყაოსანი" თავისი შინაარსით, თქვენი აზრით ამდენი გაუგებრობა არ არის იმის მიზეზი, რომ ავტორი გაურკვევლობაში აგდებს მკითხველს აგერ უკვე საუკუნეებია და ხან ვინ იჩემებს და ხან ვინ პოემის ავტორობას. "მაოხრებელი გზირიც" გადატანითი მნიშვნელობით არის ნახმარი. მისი გაგება შეიძლება როგორც დადებითი კუთხით, ისე უარყოფითი კუთხით.
2020, 25 მაისი, 22:33
რა შუაშია შოთა რუსთაველი?
0 1 6