ფეხბურთი ფეხბურთი და პოლიტიკა 2019, 15 დეკემბერი, 15:03 ყველასთვის ცნობილია, რომ ფეხბურთი და პოლიტიკა ერთმანეთისგან მჭიდროდ დაკავშირებული სფეროებია. საფეხბურთო გუნდები იყოფიან მემარჯვენე და მემარცხენე კატეგორიებად ფანებში გავრცელებული პოლიტიკური იდეოლოგიის მიხედვით (გვხვდებიან ისეთი კლუბებიც, სადაც ორივე მიმართულების ფირმები არსებობს). თავის დროზე ბენიტო მუსოლინი უდიდესი ენთუზიაზმით ცდილობდა იტალიის ჩემპიონატის, სერია A-ს განვითარებას, რაც მას გამოუვიდა კიდეც. მისი ერთ-ერთი საყვარელი გუნდი სწორედ რომის ლაციო იყო. რომში არსებულმა სამმა საფეხბურთო კლუბმა გადაწყვიტა გაერთიანება, რის შედეგადაც ჩამოყალიბდა საფეხბურთო კლუბი რომა, რომელიც იმ დღიდანვე ითვლება ლაციოს დაუძინებელ მტრად. თითქმის მთლიანი რომის ტერიტორიაზე ცხოვრობენ რომას ფანები, ხოლო ქალაქის ჩრდილოეთ ნაწილში ცხოვრობენ ლაციოს ფანები, შესაბამისად რომას ფანების რაოდენობა გაცილებით მეტია ქალაქში. შეიძლება თამამად ითქვას, რომ მსოფლიოში ყველაზე მეტი ნეონაცისტი და ფაშისტი ფანები რომის ლაციოს ჰყავს. ისინი არ ერიდებიან ნაციონალ-სოციალისტური და ფაშისტური სიმბოლოების გამოფენას ტრიბუნებზე, "ისვრიან" რომაულ მისალმებას, მღერიან ფაშისტურ სიმღერებს, უსტვენენ და დასცინიან შავკანიან ფეხბურთელებს და ა.შ. ფანები პირდაპირ ერევიან კლუბის სატრანსფერო პოლიტიკაში. ფანების შეხედულებების გამო უამრავმა შავკანიანმა მოთამაშემ თქვა უარი ლაციოში გადასვლაზე, მათ შორის იყო ლილიან ტურამი. ერთ-ერთ ბრიტანულ ტელეარხთან ინტერვიუს დროს, ლაციოს ცნობილმა ფანმა, ფაბრიციომ განაცხადა: "მე და აქ მყოფ ყველა ლაციოს ფანს, გვაწუხებს ის, რაც მოსდის დიად იტალიელ ერს. ჩვენი ერი სწრაფად იცვლება, ჩვენ ვკარგავთ ჩვენს სახეს და სულს. სამწუხაროა იმის ყურება, თუ როგორ შემოედინება უკონტროლოდ ჩვენს ქვეყანაში მილიონობით მიგრანტი, სამწუხაროა იმის ყურება, თუ როგორ იღრევა ჩვენი ერი სხვა რასებთან, როგორც ეს ინგლისში ხდება". ლაციოს ფანები არასდროს ერიდებოდნენ შეტაკებებს სხვა ფანებთან, სადაც უმრავლეს შემთხვევაში ისინი გამარჯვებულები გამოდიან. იტალიაში და მის ფარგლებს გარეთ არსებულ მემარცხენე და ანტიფაშისტ ფანებს ყველაზე მეტად სწორედ ლაციოს ფანები ეზიზღებათ და მათ აქვთ კიდეც ამის მიზეზი - ლაციოს ფანებმა ისინი ბევრჯერ შეარცხვინეს. რა თქმა უნდა, ლაციოს ფანებში 30-იანი წლებიდან მოყოლებული დღემდე პოპულარულია ანტიკომუნისტური შეხედულებები. ანტიკომუნისტური როკი ლაციოს ფანების საყვარელი მუსიკალური ჟანრია. მათი ყველაზე ცნობილი სიმღერა - "Avanti ragazzi di Buda" ეძღვნება ბუდაპეშტის აჯანყების დროს დაცემულ უნგრელებს. მეორე მსოფლიო ომის შემდეგ უნგრეთი საბჭოთა კავშირის გავლენის ქვეშ მოექცა. უნგრელი ხალხის ნების საწინააღმდეგოდ უნგრეთის სათავეში დასვეს საბჭოთა მარიონეტი. კომუნისტურმა პარტიამ სტალინური რეპრესიები გაატარა ქვეყანაში, რასაც უამრავი უდანაშაულო ადამიანი შეეწირა. წითელმა იდეოლოგიამ ფესვები გაიდგა ქვეყანაში და დამკვიდრდა ჭეშმარიტად ამორალური სისტემა, რომელიც დასმენებზე და რიგითი ადამიანების სულის გახრწნაზე იყო ორიენტირებული (ბოლშევიკური რუსეთის პროტოტიპი). სწორედ ამან გამოიწვია უნგრელი ხალხის პროტესტი. 1956 წლის 23 ოქტომბერს 200 ათასი უნგრელი გამოვიდა ბუდაპეშტის ქუჩებში. საბჭოთა კავშირმა უნგრული აჯანყება სისხლში ჩაახშო, თუმცა უდანაკარგოდ მათ ეს ვერ მოახერხეს. შედეგად დაიღუპა 2652 უნგრელი აჯანყებული და 700 საბჭოთა ჯარისკაცი, 20000 უნგრელი დაიჭრა. ფაქტობრივად შეუიარაღებელი უნგრელები ვაჟკაცურად ცდილობდნენ წინააღმდეგობის გაწევას და საბჭოთა სამხედრო მანქანის წინააღმდეგ მოლოტოვის კოქტეილებს იყენებდნენ და მათ შეძლეს კიდეც რამდენიმე ტანკის მწყობრიან გამოყვანა. აჯანყების ჩახშობის შემდეგ დაიწყო რეპრესიები, რის შედეგადაც დახვრიტეს ათობით ათასი ადამიანი. თუმცა ამან კიდევ უფრო დიდი მუხტი მისცა უნგრულ წინააღმდეგობას. სწორედ ამ მოვლენებს უმღერიან ლაციოს ფანები. ყველაზე ხშირად სიმღერას ასრულებენ ტრადიციულად მემარცხენე კლუბებთან შეხვედრის დროს, როგორიც არის: "ატალანტა", ''ნაპოლი'' ''რომა'', ''მილანი'', '' ლივორნო", "პერუჯა". სიმღერის ტექსტი: აჯანყდი ბუდას ახალგაზრდობავ, აჯანყდი პეშტის ახალგაზრდობავ, სტუდენტებო, გლეხებო, მუშებო მზე აღარასდროს ამოვა აღმოსავლეთდან ჩვენ 100 დღე ვბობოქრობდით ვოცნებობთიდ თვეობით ოქტომბრის ამ დღეებზე აღსდექ უნგრეთის ახალგაზრდობავ მე მახსოვხარ შენ მოედანზე შაშხანით ხელში მე კი სასკოლო რვეულებს შორის პისტოლეტი მქონდა დამალული ჩვენი გამარჯვების ექვსმა დღემ და ღამემ ჩაიარა მეშვიდე დღეს კი მოვიდნენ რუსული ტანკები ტანკები ამტვრევდნენ ჩვენს ძვლებს არავინ დაგვეხმარა მსოფლიო იდგა ქვესკნელის წინ და გულგრილად უყურებდა ამ სანახაობას ჩემი მეგობარი გოგო აღარ ეტყვის დედაჩემს რომ მე მოვკვდი ამ ღამეს ის ეტყვის, რომ მე გავიხიზნე მთებში და დავბრუნდები როდესაც გაზაფხული მოვა მტერი მოჰყვება ჩვენს კვალს ჩვენი რევოლუცია მოკვდა ჩვენი თავისუფლება მოკვდა მსოფლიოს ღირსებაც მოკვდა მაგრამ ჩვენი ძმები ისევ აიღებენ იარაღს და დაბრუნდებიან ჩვენი სამარშო სიმღერებით ამ დღეს კი ჩვენ ისევ ჩავდგებით მათ რიგებში და ჩამოვალთ მთებიდან აჯანყდი ბუდას ახალგაზრდობავ! აჯანყდი პეშტის ახალგაზრდობავ! 108 1-ს მოსწონს
|