რუსეთის პრემიერ-მინისტრმა დიმიტრი მედვედევმა განაცხადა, რომ ერთ-ერთი უმძიმესი გადაწყვეტილება საკუთარ ცხოვრებაში 2008 წლის აგვისტოში საქართველოს მიმართ განხორციელებული საპასუხო სამხედრო ქმედება იყო, რომელიც ქართული მხარის აგრესიის საპასუხოდ მოხდა.ამის შესახებ მედვედევმა დღეს მთავრობის პრეს-კონფერენციაზე განაცხადა, რომელიც ლაივ-რეჟიმში გადაიცემოდა You Tube-ზე.

მედვედევმა აღნიშნა, რომ ასეთი რთული გადაწყვეტილების მიღება იმ დროს მოუწია, როდესაც სულ რაღაც ორი თვის დაკავებული ჰქონდა პრეზიდენტის პოსტი.

-ეს იყო ძალიან ძნელი, თუმცა მოვლენების შემდგომმა განვითარებამ ცხადყო, რომ ეს გადაწყვეტილება იყო ერთადერთი და გარდაუვალი-დასძინა პრემიერმა.