სხვა ზუგდიდის ცენტრალურ ბიბლიოთეკაში გიორგი გულუას პოეზიის საღამო გაიმართა 2019, 14 ნოემბერი, 8:58 13 ნოემბერს ზუგდიდის ცენტრალურ ბიბლიოთეკაში ზუგდიდის მუნიციპალიტეტის ბიბლიოთეკის მართვის ცენტრისა და ზუგდიდისა და ცაიშის ეპარქიის ახალგაზრდობის განათლებისა და კულტურის ცენტრის ორგანიზებით, ბიბლიოთეკის სამკითხველო დარბაზში ჩატარდა ჩხოროწყუელი ახალგაზრდა ნიჭიერი პოეტის გიორგი გულუას პოეზიის საღამო. გიორგი დღეს გახლდათ იუბილარიც, მას 25 წელი შეუსრულდა და დამსწრე საზოგადოებას შემოქმედი წარუდგინეს ბიბლიოთეკის დირექტორმა ქალბატონმა მადონა მაქაცარიამ და ზუგდიდისა და ცაიშის ეპარქიის ახალგაზრდობის განათლებისა და კულტურის ცენტრის დირექტორმა გიორგი ფიფიამ. პოეტმა თავად წაიკითხა საკუთარი ლექსები ემოციურად, ალიტერაციული მშვენიერებისა და რიტმული ჟღერადობის თანხლებით. მსმენელმა მქუხარე ტაშით დააჯილდოვა, როგორც მისი ქართული, ისე მეგრულენოვანი ლექსები . 28 შეფასება არ არის
|