საზოგადოება საერთოდ არ მეცოდებით, გამიხარდა კიდეც-ბონდო ქურდაძე 2019, 19 ივლისი, 15:28 ჟურნალისტი და გაზეთ “შანსის“ ყოფილი მთავარი რედაქტორი, ჟურნალისტი და პოლიტიკური ემიგრანტი ბონდო ქურდაძე "რუსთავი2"-ის შესახებ სტრასბურგის გუშინდელ გადაწყვეტილებას სოციალური ქსელით ეხმაურება და წერს: "როგორ გამიქვავდა გული, საერთოდ არ მეცოდებით, გამიხარდა კიდეც, ემიგრაციაში წამოსვლის წინ, ჩემი ჟურნალისტის დიპლომი, თქვენმა შემხედვარემ, პროტესტის ნიშნად, უცნობის საკანში დავტოვე(!)... კოლეგებსაც ვერ გიწოდებთ... მასმედიის სახლიდან ათობით ჟურნალ-გაზეთის რედაქცია გამოგვყარეს, თქვენ ხმა არ ამოგიღიათ... არც იმედის დარბევისას გამოგიხატავთ პროტესტი... ჰოდა, გიტიროთ ახლა სააკაშვილმა(!)... ბონდო ქურდაძე, ჟურნალისტი, გაზეთ “შანსის“ ყოფილი მთავარი რედაქტორი, პოლიტიკური ემიგრანტი. პარიზი. 19. 2019." როგორც ცნობილია, გუშინ, 18 ივლისს, სტრაბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი, რის მიხედვითაც 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. გუშინვე ხალვაშმა დაჩქარებული წესით გადაიფორმა ტელეკომპანია, ეს პროცედურა ხალვაშის ადვოკატმა, პაატა სალიამ გააკეთა, რომელიც რუსთავი-2-ის გენერალურ დირექტორად დაინიშნა. 202 3-ს მოსწონს
|