მაისის ბოლოს მოდელი ნგონ ტრინი კანის კინოფესტივალზე გამოჩნდა საკმაოდ გამომწვევი და გამჭვირვალე კაბით, მისმა ამ სამოსმა ძალიან დიდი ფურორი მოახდინა თავის ქვეყანაში. მაგრამ ასეთი გამჭვირვალე კაბა როგორი იქნებოდა ყოველდღიურ ცხოვრებაში? ამის გარკვევა გადაწყვიტა ერთმა ბრიტანეთში მცხოვრებმა გოგომ.

25 წლის ესექსში მცხოვრებმა გოგომ, სახელად ჯეიდი ლიუისმა გადაწყვიტა ზუსტად იგივე კაბით გასულიყო ლონდონის ცენტრალურ ქუჩებში. მას აინტერესებდა ლონდონში მცხოვრები ხალხის რეაქცია, როდესაც მას დაინახავდნენ ასეთი სამოსით.

ჯეიდის თქმით, მამაკაცები მას უბრალოდ თვალს ვერ აშორებდნენ. ხოლო ერთმა ბიჭმა მას ავტოგრაფიც გამოართვა. ზოგს ის კარდაშიანების ერთ-ერთი დაც კი ეგონა.

ამ თამამი ექსპერიმენტის შედეგი ესეთი იყო, ნახევარი საათი ლონდონის ქუჩებში სეირნობის შედეგად მას უამრავმა ადამიანმა გადაუღო სურათი და ეს სურათები სოციალურ ქსელებში მოხვდა. ზოგს კი აინტერესებდა, ვინ იყო ეს ცნობილი ადამიანი.