"შესაძლოა, ერთ დღესაც საქართველომ გაიღვიძოს და აღმოაჩინოს, რომ არა - 20%, არამედ 100%-ია ოკუპირებული", - ეს განცხადება აშშ-ის პრეზიდენტობის კანდიდატის ჯო ბაიდენის საგარეო პოლიტიკის მრჩეველმა twitter-ის ოფიციალურ გვერდზე დაწერა.

მაიკლ კარპენტერი ფიქრობს, რომ საქართველოს ხელისუფლება ბოლომდე ვერ აცნობიერებს იმ სირთულეებს, რომელსაც რუსეთთან ე.წ. ღია კარის პოლიტიკა მოიტანს.

"3 დღე გავატარე საქართველოში. არ ვარ დარწმუნებული, რომ ხელისუფლება ბოლომდე იაზრებს რუსეთთან ღია პოლიტიკის შედეგებს ამდენი “ტურისტით“ (FSB) და ამდენი მიწით, რომელსაც რუსი ბიზნესმენები ყიდულობენ საქართველოში; ერთ დღესაც, შეიძლება საქართველომ გაიღვიძოს და აღმოაჩინოს რომ არა - 20%, არამედ 100% ოკუპირებულია", – წერს კარპენტერი.