"კარგი მოქეიფე და ჭამა-სმის მოყვარულები არიან" - რას ამბობს თამუნა ლეკვეიშვილი

შოუბიზნესი

2019, 29 მაისი, 11:34

ჩვენი რესპოდენტი მსახიობი და მუსიკოსი თამუნა ლეკვეიშვილია, დატვირთული გრაფიკის მიუხედავად მან შეძლო ჩვენს მიერ დასმული კითხვებისთვის ეპასუხა

როდის და როგორ აღმოჩნდი რუსთავი 2-ზე?

- 2005 წელს როდესაც შაბათის შოუ იწყებოდა შემომთავაზეს თანამშრომლობა და უკვე 14 წელია რუსთავი2 ჩემი ცხოვრების განუყოფელი ნაწილია

რასთან ასოცირდება შენთვის ტელეკომპანია რუსთავი 2?

- რუსთავი2 ჩემთვის ასოცირდება პროგრესთან, თავისუფლებასთან, პატრიოტიზმთან და პროფესიონალიზმთან

შენიდა თათიას დუეტზე მინდა გკითხო, რატომ დაარქვით დუეტს მამალი ქალები?

- კარგი მოქეიფე და ჭამა-სმის მოყვარული პერსონაჟები არიან და სიმღერებიც ძლიერი ქალბატონების შესაფერისს მღერიან. მათ ვიზუალსაც უხდება მამალი ქალები:)

როგორ ფიქრობ იუმორისტული გადაცემებიდან რა ჟანრის ხუმრობები იზიდავს მაყურებელს?

- რეიტინგებიდან გამომდინარე ზუსტად იმ ხასიათის როგორსაც ჩვენ ვაკეთებთ.

მინდა გაიხსენო ჭორი რომელმაც შენს გარშემო დიდი აჟიოტაჟი გამოიწვია?

- ჩემთან დაკავშირებით აჟიოტაჟის გამომწვევი ჭორი არ მახსენდება.

მუსიკოსიც ხარ როგორ უთავსებ მუსიკას და მსახიობობას ერთმანეთს?

- წარმატებით ვერ ვუთავსებ და იმდენ დროს ვერ ვუთმობ მუსიკას რამდენიც საჭიროა, დროის დეფიციტის გამო.

როგორ გაიცანი შენი მეუღლე?

- გიგი გავიცანი კონსერვატორიაში, როგორც საკომპოზიტორო ფაკულტეტის სტუდენტს თავისი სიმღერის ნოტებში გადატანა მთხოვა. ეს იყო მიზეზი რომ ჩემთან ახლოს მოსულიყო:)