საზოგადოების მხრიდან, მთაწმინდის შუალედური არჩევნებისა და გაერთიანებული ოპოზიციური კანდიდატის გარშემო ვნებათაღელვა არ ცხრება. შეგახსენებთ, რომ მეორე ტურში ერთმანეთს "ქართული ოცნების" წარმომადგენელი ლადო კახაძე და "ევროპული საქართველო - თავისუფალი დემოკრატების" ერთიანი კანდიდატი შალვა შავგულიძე დაუპირსპირდებიან. ამასთან დაკავშირებით ირინა სარიშვილი სოციალურ ქსელში სარკასტულ პოსტს აქვეყნებს და "ტაბულას" დამფუძნებლის, თამარ ჩერგოლეიშვილის მხრიდან, ბოლო პერიოდში შავგულიძის აქტიურ მხარდაჭერას ეხმაურება: "დღეს შალვა შავგულიძის მხარდამჭერი განცხადების გაკეთებას ვაპირებდი და წუხელი თამარა დემესიზმრა ჩერგოლეიშვილი – ეგ არ ქნა ხმები დაგვაკლდებაო ხოდა ოღონდ თქვენ კაათ იყავით და სუნთქვასაც შევწყვეტ არჩევნების დღეს ემანდ არ დაგიბეროთ" - წერს საკუთარ გვერდზე ირინა სარიშვილი.