დეკანოზ მამა გიორგი მამალაძის ადვოკატი გიორგი ფანცულაია სოციალურ ქსელში პოსტს აქვეყნებს და სააღდგომოდ პრეზიდენტის მიერ მსჯავრდებულთა შეწყალების ფაქტს ეხმაურება.

"კვირას აღდგომის ბრწყინვალე დღესასწაულია! ქრისტე აღსდგა! მაგრამ არა ჩვენს საპატრიარქოში!...
იქ ქრისტეს სახლი არ არის!...
დეკანოზი "საკაცეზეა" და ეტლითაც ვერ გადაადგილდება კიდურებ-გაჩერებული... 2 თვეა...
მაგრამ საპატრიარქომ მის შეწყალებაზე არ იშუამდგომლა არც ამ აღდგომას!
მადლობა დეკანოზს, რომ მან მისი თავისუფლებით არ ივაჭრა ვაჭრებთან!
ისტორია ყველაფერს შეაფასებს!
პ.ს დღეს ვინც შეიწყალეს, ყველა პატიმარს ვულოცავ თავისუფლებას", -წერს ფანცულაია "ფეისბუქის" საკუთარ გვერდზე.

შგახსენებთ, აღდგომის დღესასწაულთან დაკავშირებით, დღეს საქართველოს პრეზიდენტმა, 19 თავისუფლებააღკვეთილი და 23 პირობით მსჯავრდებული შეიწყალა.