რა არის ფრილანსი? ეს არის დისტანციური დასაქმების სერვისი. დამკვეთი უკვეთავს სასურველ სამუშაოს ინტერნეტის მეშვეობით ხოლო ფრილანსერი გარკვეული თანხის სანაცვლოდ პასუხისმგებლობას იღებს შეკვეთილი სამუშაოს შესრულებაზე . ( ინგ სიტყვა freelance - თავისუფლად მომუშავე) იგი დასაქმებულია კონტრაქტის გარეშე და შეკვეთილ სამუშაოს დამოუკიდებლად ასრულებს დამკვეთისთვის. პირობებზე შეთანხმება ხდება ინდივიდუალურად დამკვეთსა და შემსრულებელს შორის. ყველაფერი დისტანციურ რეჟიმში სრულდება რაც ორივე მხარესთვის საკმაოდ კომფორტულია და საშუალებას იძლევა რომ ფრილანსერობა სხვა სამსახურსაც შევუთავსოთ დამატებითი შემოსავლის მიღების მიზნით. არსებობს სხვადასხვა სფეროები რაც დღესდღეობით ყველაზე მოთხოვნადი და პოპულარულია, ესენია: თარგმნა, ბეჭდვა, ვებ დიზაინი, ადმინისტრირება, გაყიდვები, სოციალური ქსელების მენეჯმენტი, ვიდეო და აუდიო მონტაჟი, ონლაინ კურსები, ვირტუალური ასისტირება, ბაზების შექმნა ინტერნეტ პროგრამების საშუალებით, და სხვ. ჩამონათვალი უსასრულოა, მთავარია კონკურენტუნარიანი იყოთ რომელიმე ზემოთაღნიშნულ სფეროში და თავისუფლად შეძლებთ რომ დამატებითი შემოსავალი მიიღოთ, სხვადასხვა ფრილანსერების საიტების მოძიებითა და შემდეგ დარეგისტრირებით.
ნუ შეგაშინებთ ის რომ შესაძლოა დამწყები იყოთ, გამოცდილებასთან ერთად თქვენი შემოსავალი აუცილებლად გაიზრდება.