რაოდენ უცნაური და გასაკვირი არ უნდა იყოს, მაშინაც იბეჭდებოდა ისეთი საინტერესო სტატიები, რომელიც დღეს სიახლე გვგონია. ყურადსაღებია თუნდაც ის ფაქტი, რომ არსებობდა “კოსმეტიკის კაბინეტი", სადაც კოსმეტოლოგები მრავალ პროცედურას სთავაზობდნენ ქალებს: სახის გაწმენდას, ნიღბებს, მასაჟს და ა.შ. ასევე ისეთ სტატიებსაც წაიკითხვდით, რომელიც ასე სათაურდებოდა : “ქორწინების რეგისტრაცია და მისი მნიშვნელობა", სადაც ქალი მოგვითხრობდა ისეთ რაღაცებზე, რომელიც ტაბუდადებულიც კი იყო იმ დროს. ასევე შეხვდებოდით სტატიას, სადაც სიმაღლეში მომატებისთვის სპეციალურ ვარჯიშებსაც სთავაზობდნენ. სასარგებლო რჩევებსაც წააწყდებოდით, მაგალითად, “თუ სადუღარა ჩამუქდება და ნალექი მოედება, მაშინ ძმარი ჩაასხით და ისე აადუღეთო". მოკლედ, არ მოიწყენდით. ასევე იყო თარგმანებიც. მოგონებებიც. ამ სტატიით არ ვამტკიცებ, რომ ახლანდელი სტატიები და ჟურნალები ნაკლებად საინტერესოა, ვიდრე 1976 წლის ჟურნალები, “უბრალოდ, მინდოდა თუნდაც მაშინდელი ერთ-ერთი ჟურნალის, “საქართველოს ქალის" სტატიები გამეცნო თქვენთვის. საინტერესო იყო თუ არა მაშინდელი პრესა, დასკვნა თქვენთვის მომინდვია.